 |
Tissemma' it-8 ta' Marzu għal elezzjoni ġenerali
By MaltaMedia News
Jan 27, 2008 - 12:03:07 PM
|
|
Id-data ta’ l-elezzjoni ġenerali kapaċi tkun it-8 ta’ Marzu. Din il-ġurnata issemmiet minn bosta sorsi il- Ħadd.
Is-Sunday Times irrapurtat li l-Prim Ministru Lawrence Gonzi qed ihejji għal elezzjoni ġenerali fit-8 ta’ Marzu għalkemm qed iħalli l-għazla għal ġimgħa wara ukoll.
Huwa mifhum li l-Prim Ministru sejjer ixolji il-Parlament fl-4 ta’ Frar jew anki qabel u li l-elezzjonijiet tal-kunsilli lokali jsiru fl-istess ġurnata ta’ l-elezzjoni ġenerali, qalet is-Sunday Times.
Intant, it-Torca qalet li t-tqegħid ta’ billboards fit-toroq mill-Partit Nazzjonalista huwa sinjal li l-elezzjoni dalwqat ser tissejjaħ.
Sorsi li tkellmu mat-Torca urew il-fehma li, wara li nhar it-Tlieta l-parlament ikun approva l-ftehim ta’ Lisbona, il-Prim Ministru jsejjaħ l-elezzjoni l-Erbgħa li ġejjin.
Dawn l-istess sorsi jsostnu li mill-Uffiċċju tal-Prim Ministru saru kuntatti mal-Kummissjoni Elettorali u verbalment issemmiet id-data tat-8 ta’ Marzu.
Il-Prim Ministru huwa mistenni li jikkontesta id-disa’ distrett li jikkonsisti minn San Ġwann, l-Imsida, l-Għargħur, Ta' Xbiex u s-Swieqi minbarra it-tieni distrett.
Il-Kap ta’ l-Oppozizzjoni Dr Alfred Sant ser jikkontesta l-elezzjoni ġenerali minkejja li kien operat fl-aħħar ta’ Diċembru.
Aqra din l-ahbar bl-Ingliz.
© Copyright 2008 by MaltaMedia.com
Top of Page
|
|
|
Latest update:
Jan 27, 2008 - 1:40:46 PM CET
|
