Aħbarijiet bil-Malti
Raġel jitlef ħajtu traġikament f'Wied il-Għajn
By MaltaMedia News
Jun 2, 2007 - 5:21:19 PM

Raġel ta' madwar erbgħin sena minn Ħal Qormi, tilef ħajtu traġikament fil-Lukanda Jerma Palace f’Wied il-Għajn is-Sibt filgħodu għal ħabta ta' 0940CEST.

Minn investigazzjonijiet preliminari rriżulta li Saviour Cilia, tabib u missier ta' tlett itfal  kien qiegħed fuq saqaf ta’ hotel li hi magħluqa, jagħmel xi tip ta’ xogħlijiet fejn għal xi raġuni ċeda is-saqaf li kien fuqu u safa midrub.

Fuq il-post ġiet imsejħa ambulanza kif ukoll membri mid-Dipartiment tal-Protezzjoni Civili, fejn ir-raġel kien iċċertifikat mejjet.

L-Assoċjazzjoni Medika tat-Tobba (MAM) esprimiet il-kondoljanzi mal-familjari tal-vittma.

Il-Maġistrat ta’ l-Għassa Dr D Clarke LLD ġiet infurmata bil-kaz fejn ħatret diversi esperti biex jgħinuha fl-inkjesta.

Investigazzjonijiet tal-Pulizija għadhom għaddejja.