Tħabbret il-mewt tal-Patri Dumnikan Mark Said, li għal snin twal kien Postulatur tal-Kawza ta’ Bejatifikazzjoni u Kanonizzazzjoni ta’ Dun Ġorġ Preca. Għal dawn l-aħħar 10 snin hu kien rikoverat f’Dar Santa Katerina ta’ Siena, f’Ħat-Attard, fejn miet nhar it-Tnejn fl-eta’ ta’ 88 sena.
Patri Mark twieled ir-Rabat nhar il-5 ta’ April 1918. Daħal fl-Ordni Dumnikan fl-1934 u ġie ordnat saċerdot fit-3 ta’ Novembru 1935. Malli spiċċat it-Tieni Gwerra Dinjija huwa ntbagħat Ruma, fil-Kullegg Angelicum, biex hemmhekk jispeċjalizza fil-Liġi Kanonika. Sal-1989, imbagħad, hu kien impenjat f’ħidma ta’ tagħlim ta’ dan is-suġġett fl-Universita’ San Tumas t’Akwinu f’Ruma . Għal diversi snin kien ukoll Dekan tal-Fakulta’ tad-Dritt Kanoniku fl-istess Universita’. F’Ruma kien konsultur għal diversi Kongregazzjonijiet tas-Santa Sede, kif ukoll, għal diversi snin, konsultur ghall-Ambaxxata Maltija. Wara l-Konċilju Vatikan II, huwa għen fit-tiġdid tal-Kodiċi tal-Ligi Kanonika, kif ukoll, fir-reviżjoni u tfassil tal-Kostituzzjonijiet u Statuti ta’ diversi Kongregazzjonijiet Religjuzi.
Il-quddiesa tal-funeral ser isir fil-Knisja ta’ Sidtna Marija tal-Għar, fir-Rabat, nhar l-Erbgħa 4 ta’ Ottubru fid-disgħa u nofs ta’ filgħodu (0930 CEST). Il-korteo jitlaq mill-kunvent fid-disgħa u kwart (0915CEST).
Patri Mark Said jibqa’ mfakkar minn ħutu r-reliġjużi fl-Ordni Dumnikan, minn oħtu Maria u zewġha Francis, diversi neputijiet, qraba u ħbieb.
Read this article in English:
Dun Ġorġ Preca's postulator dies at age 88
By MaltaMedia News
Oct 2, 2006, 12:18 CET
© Copyright 2006 - MaltaMedia Online Network
Top of Page
| 
