Aktar minn tmien miljun sigarett maqbuda mid-Dwana it-tlieta. Il kaz beda xi hmistax il gurnata ilu meta l-Ufficjali tad Dwana bdew isegwu il-movimenti ta’ konsenja ta’ kontejners li kienu bdew il vjagg taghhom mil-Lvant Imbieghed. Mal-wasla tal-bastiment f'Malta l-Ufficjali tad Dwana komplew jezaminaw bir-reqqa id-dikjarazzjonijiet tal-merkanzija skond il-manifesti tal-vapur.
F'dan il-process numru zghir ta’ kontejners gew identifikati sabiex jigu spezzjonati bill VACIS (Vehicle and Containers Inspection System) izda dan il-process ma ta l-ebda rizultat posittiv. Minkejja dan ir-rizultat negattiv, l-Ufficjali tad Dwana komplew jiflu bir-reqqa l-'images' ta’ dan il-process fejn, wara granet ta’ investigazzjonijiet, ittiehdet id-decizjoni sabiex jinfetah wiehed minn dawn il-kontejners.
Ghall ewwel deher li kollox kien skond dak li kien hemm iddikjarat fuq il-manifest, jigifieri 'plastic granules' li kienu fuq quddiem tal-kontejner. Izda wara li li tnehhew l-ewwel fillieri tfaccaw kaxxi tal-kartun li meta nfethu rrizultaw li kienu sigaretti. Id-diffikulta li kellhom l-Ufficjali tad-Dwana sabiex janalizzaw sewwa l-'images' tal-VACIS kienet ghaliex min ghabba s-sigaretti fil-kontejner kien jaf sewwa li d-Dwana Maltija kellha apparat bhal dan u ghalhekk qabel dahhal is sigaretti fil-kontejner kesa l-gnub u s-saqaf ta l-istess kontejner b'kaxxi catti li kien fihom bibien tal-metall insulati. Dan sar sabiex itellfu l-images meta l-kontejner jghaddi ghall-x-ray mill-VACIS.
Meta gie mahtut il kontejner ta l-40 pied, li kien beda t-triq tieghu mil-Lvant Imbieghed fi triqtu ghall Affrika ta Fuq, kellu b'kollox 858 kaxxa b'kull kaxxa 10,000 sigarett Marlboro kif ukoll 20 kaxxa bill bibien tal-metal. Il-process li ghad jonqos issa hu li jigi stabbilit mill-Qorti jekk is-sigaretti humiex originali jew kontrofatti.
B'din is sejba giet infurmata l-OLAF (it-taqsima ta’ kontra l-frodi ta’ l-Unjoni Ewropea) kif ukoll il-WCO (World Customs Organisation) li t-tnejn fahhru lid-Dwana Maltija.
Read this news in English:
Over eight million cigarettes seized by Customs
by MaltaMedia News – Jan 02, 2007
© Copyright 2006 - MaltaMedia Online Network
Top of Page
| 
