Matul din il-ġimgħa l-Pulizija kompliet bil-ġlieda tagħha kontra l-kriminalita' u solviet diversi każi.
Filfatt ġew solvuti diversi każijiet ta’ pussess u traffikar ta’ d-droga ecstacy fir-Rabat u f’Ħaż Żabbar. Kienu solvuti ukoll żewġ każijiet separati ta’ pussess ta’ eroina u kokaina fil-Għargħur u fil-Pieta' kif ukoll każ dwar importazzjoni f’Malta ta’ amfetamini li seħħ f’Ottubru tas-sena li għaddiet. Dan il-każ kien preżentat fil-Qorti kmieni din il-ġimgħa.
Il-Pulizija solviet ukoll każ ta’ falsifikazjoni u uzu ta’ dokumenti pubblici foloz li seħħ fl-Isptar San Luqa u każ ta’ frodi u falsifikazzjoni ta’ ċekkijiet li ntużaw f’numru ta’ ħwienet. Kienu solvuti ukoll każijiet ta' frodi, mizaproprjazzjoni u pornografija tal-minuri. Diversi persuni huma mistennija jitressqu l-Qorti b’konnesjoni ma dawn il-każijiet.
Każijiet ta’ serq li seħħ fin-Naxxar u fir-Rabat f’Jannar li għadda kif ukoll serqa mis-Swieqi li seħħet fi Frar kienu solvuti matul din il-gimgħa u numru ta’ persuni kienu mressqa l-Qorti. Persuni oħra kienu akkużati dwar serq ta’ vettura minn Ħal Tarxien, serq minn vettura f’Ħaż Żabbar u f’Ta’ Xbiex, kif ukoll dwar serq minn residenza fl-Iklin.
© Copyright 2005 - MaltaMedia Online Network
Top of Page
| 
