Kummissjoni Djoċesana mħassba fuq il-prezz tal-propjeta’

News from MaltaMedia.com

Aħbarijiet bil-Malti
Kummissjoni Djoċesana mħassba fuq il-prezz tal-propjeta’
By MaltaMedia News
Jan 6, 2007, 17:59

Il-Kummissjoni Djoċesana esprimiet it-tħassiba tagħha dwar il-prezz tal-propjeta. F’dokument ippublikat nhar il-Gimgħa, il-Kummissjoni qalet li hi nkwetata dwar “il-prattiċi spekulattivi endemiċi u nkontrollabli fis-suq tal-propjeta’.”

Hu u jitkellem f’isem il-Kummissjoni ic-Chairman Godfrey Leone Ganando talab dawk involuti fl-oqsma politiċi u soċjali sabiex din l-affari tingħata prijorita' għal azzjoni immedjata jekk huma tassew jemmnu fl-inklużjoni soċjali u livell ta’ l-għixien sostenibbli.

“Sistema li tinkoraġixxi livell ta’ għixien sostenibbli u mingħajr faqar ma tistax teskludi l-propjeta' mill-aspetti kollettivi tal-ġid komuni, li jinkludu wkoll ix-xogħol, l-ikel, l-edukazzjoni u s-saħħa,” enfasiżżat il-Kummissjoni.

Il-Kummissjoni qalet ukoll li tinsab inkwetata dwar l-aċċess għal postijiet, l-implikazzjonijiet taż-żieda tar-rata ċentrali ta’ l-intervenzjoni fuq is-self fuq id-djar mill-Bank Ċenbtrali ta’ Malta u l-għażla tal-kiri.

Il-Kummissjoni qalet li tispera li l-kummenti u r-rifflessjonijiet tagħha jiġu milqugħa bi spirtu li jippromwovi u jkabbar il-ġustizzja soċjalu fuq bażi kollettiva, u mhux bħala strument li bih jiġu promossi interessi personali u politika partiġjana.

Il-ħsibiejiet kollha li ġew ippublikata fid-dokument tal-kummisjoni jistgħu jinqraw hawn.

EXIT PRINTER FRIENDLY VIEW FOR THIS ARTICLE